O Partido Comunista do Povo Galego (PCPG) saúda a todos e a
todas as que participan nas mobilizacións e actos deste Día da Patria Galega
2012.
A profunda e bestial crise da era capitalista que padecemos
engádese, no caso galego, a máis de 30 anos de exercicio “autonómico”,
auténtico mecanismo que aferrolla e impide decidirmos por nós propios encol dos
nosos intereses supremos.
Como dicía Castelao: “A NOSA TERRA NON É NOSA” pois, cada
vez máis desde submisas e incompetentes administracións a modo de virreinatos
“rexionalistas” do pequeño imperio, se aprofunda e perpetúa a crise que
padecemos, lexitimando a sangria xenocida e a opresión túzara que se comete
polo Estado Español contra o povo galego.
A NOSA TERRA NON É NOSA, porque no nome dunha arrepiante
“modernidade”, os caciques e oligarcas cos seus aparellos políticos ligados ao
reino de españa, nos reclúen aínda máis no tinglado da UE, que significa máis
desmantelamento da nosa industria e recursos tradicionais estratéxicos: naval,
leiteiro, conserveira, gandeiro, pesqueiro, florestal.. Máis dependencia e máis
empioramento das condicións de vida xa precarias do povo traballador.
A NOSA TERRA NON É NOSA porque a leal oposición
parlamentaria tampouco obxecta de verdade a ordenación irracional do noso territorio e a
rede de comunicacións rodoviarias, marítimas ou ferroviarias de proximidade.
Que nunca detiveron a bárbara destrucción urbanística e medio-ambiental; o “Ave” ou a
alienación e españolización cultural e as brutais agresións lingüísticas. Que
non rexeita con contundencia as sucesivas “reformas laborais” ou as míseras
pensións da nosa clase obreira (as máis baixas do estado).
A NOSA TERRA NON É NOSA porque uns e outros nos manteñen
dentro da organización terrorista e imperialista OTAN. Porque consinten e mesmo
se lucran coa destrucción da nosa flota de pesca de altura; porque non se resisten ao
monocultivo do eucalipto nin amosan vontade política de parar ou cuestionar de
verdade o papel dependente e subsidiario da nosa economía productiva.
Hoxe o sistema non dá para máis. Tan só nos ofrece
tesoirazos, roubo a grande escala, miseria, destrucción medio-ambiental, guerras
e infinita represión. “Europa”, España das autonomías”, OTAN, “modernidade”.., compre
lembrar os distintos nomes causa principal: CAPITALISMO E IMPERIALISMO. Compre
non esquecer nunca!.
COMPRE TER CLARO onde hai que estar. Isto é: do lado do
povo, tecendo redeas de rebelión, de organización, de solidariedade e de
combate en calquera das súas formas posíbeis. Loitar e reaxir como aconteceu
noutras épocas da historia heroica do noso povo (lembrarmos da I República
Galega proclamada pola clase obreira en 1931; da exemplar loita guerrilleira do
povo galego fronte ao fascismo.., e de que estamos no 40 aniversario das folgas
xerais de Vigo e Ferrol, do ano 72). Reaxir como demostraron combates
relativamente recentes da clase obreira e amplos sectores do povo galego desde
as fábricas, na rúa e no mar.
COMPRE NON ESQUECER que somos parte dun povo indómito que é
quen de se erguer contra esa “realidade” que nos expolia, proscribe e relega.
Que hai unha clase obreira conscente que lle fai fronte con decisión aos abusos do
capital e que somos quen (fixémolo moitas veces) de rexeitar as políticas asimilistas
que atacan sen piedade a nosa lingua nacional e marxina a nosa cultura popular.
Que hai umha Galiza rebelde que non está disposta a acatar máis séculos de
asoballamento e umha mocidade que esixe liberdade e respecto para @s que se
rebelan e son represaliados, presos ou desterrados nos cárceres dun Reino que é
en si mesmo cárcere de nacións e de povos.
COMPRE AFIRMARSE nos mozos e mozas; nos homes e mulleres
dignos e lúcidos que non dimiten nin se resignan; nos e nas obreir@s xeneros@s
que organizan resistencias e combates contra a bestialidade da explotación
capitalista e da marxinación e infame submisión das mulheres ou contra o
decaemento nacional da Nosa Terra; que loitan contra a represión en todas as
súas formas; contra as guerras de ocupación imperialista en calquera parte que
se produza ou contra o deterioro ambiental, etc
Como tamén dixo Castelao: “NÓS TEMOS FE NO NOSO POVO E MOI
LOGO O NOSO POVO TERÁ FE EN NÓS”. Dende a nosa aposta irrenunciábel por
coincidir na loita, no amplo espazo das forzas revolucionarias e
anticapitalistas, progresistas própias do noso país.
E só desde aí (confiando nas forzas propias, de xeito
auto-organizado) continuaremos nos vieiros de loita contra o imperialismo e os
seus reductos e tentáculos sucursalistas que perpetúan a nosa dependencia e
submisión. Isto é: proseguir o combate polo exercicio real e irrenunciábel da
AUTODETERMINACIÓN E VERDADEIRA INDEPENDENCIA que só pode concluir no obxectivo
compartido dumha REPÚBLICA GALEGA, ceive e sen explotación: SOCIALISTA.
Avante con determinación e unidade. Con espirito de máxima
xenerosidade e sen particularismos!. Estamos na hora!. NADA PARA NÓS, TODO PARA
O POVO!
Adiante pola República Socialista Galega!!
Comité Nacional do Partido Comunista do Povo Galego (PCPG)
25 de Xullo de 2012