Dentro dos actos a realizar neste Abril o Colectivo Republicano de Redondela proxectará un documental sobre o camarada Manuel Barros, último redondelano que estivo preso no penal da illa de San Simón entre 1936 y 1940, con motivo dos actos organizados para conmemoralo 76 aniversario da II República.O traballo audiovisual, titulado "Manuel Barros, un rebelde de aceiro", está dirixido polo cineasta Fernando Collazo, "Cuchi" Carreira, que tamén asina o guión xunto a Gonzalo Amoedo. O documental proxectaráse o próximo domingo, dia 15 ás 12.00 horas, antes do inicio do xantar de confraternización republicana en Vilavella-Redondela.
O camarada Barros presentou o ano pasado na Illa de San Simón-con motivo do 75 aniversario da II República- una autobiografía titulada "As memorias de Manolo Barros, un militante antifranquista". Os actos organizados polo Colectivo Republicano tamén incluen as tradicionales homenaxes e ofrendas na foxa común do cemiterio de Os Eidos e na Praza da II República, que se celebrarán o sábado, ás 20.00 horas.
![BOLETÍN PCPG [25-07-2009]](https://blogger.googleusercontent.com/img/b/R29vZ2xl/AVvXsEjKJwR9capQn9RwaC1RinT135L_RooKOU-yMtyhQipxgNy12eTfPDepckLe6dgCs5XGRG2k2hEpdWR8s0EoAgthWgCWm00GalRIK1ofYb5j-8LLiDp8qxrXOYG-rV02EKcdbs1x5Q/s1600-r/portadaPCPG240.png)
