IMÁXES DA HOMENAXE A FRANK PAIS REALIZADA EN MARIN-GALIZA

Nas imaxes, actuación de Norge Batista e
público asistente




VER REPORTAXE FOTOGRÁFICA

VER AQUÍ ESCOLMA DE PRENSA

HOMENAXE A FRANK PAIS GARCIA, EN MARIN NO 50 ANIVERSARIO DO SEU PASAMENTO

Recepción do Concello ao Cónsul de Cuba, Alejandro Fuentes

PROGRAMA DE ACTOS

Os actos de homenaxe a Frank Pais, que comezaron onte sábado na Vila de Marin(povo natal dos seus pais) con unha recepción oficial no Concello ao Cónsul de Cuba, continuarán mañan luns dia 30 (aniversario do seu asasinato por esbirros da tirania de Batista) con un acto poético e musical que se celebrará na Alameda no que participarán, entre outros, os músicos Mini y Mero (de A Quenlla), Tino Baz, Laura e Marina Quintillán, o cantautor cubano Norge Batista, así como os poetas Anxo Angueira, Xosé María Álvarez Cáccamo, Isaac Xubin e Elvira Ribeiro.

Para o martes 31 está prevista una conferencia/mesa redonda na Biblioteca Pública, precedida do documental “Repartiendo el corazón” da realizadora cubana Natasha Vázquez, un video que fala da súa vida e loita. No díptico editado para esta ocasión, podemos ler un texto no que o Che Guevara se refire a Frank Pais con estas palabras:

“Fue uno de esos hombres que se imponen en la primera entrevista; sus ojos mostraban enseguida al hombre poseído por una causa, con fe en la misma; y, además, que ese hombre era un ser superior”.

Mais dunha ducia de colectivos culturais, relixiosos(evanxélicos), políticos (entre os que está a activa participación dalguns camaradas do PCPG) colaboran na súa organización.

-VER BIOGRAFIA DESTE GRANDE PATRIOTA E REVOLUCIONARIO GALEGO-CUBANO
-"INOLVIDABLE FRANK",UN ARTIGO DE VILMA ESPIN GUILLOIS
-QUEN ERA FRANK PAIS? (1)
-QUEN ERA FRANK PAIS? (2)

SEGUIREMOS O TEU EXEMPLO!. Crónica da despedida do cda. M.Barros

Cartaz dos actos de homenaxe ao cda. Barros na illa de San Simón en abril do 2006 Ver crónica do acto de despedida: Premer aquí ou no titular desta nova+

 

 

INTERVENCIÓN DO PCPG NA DESPEDIDA DO CDA MANUEL BARROS NO CEMITERIO DE REDONDELA

Imáxes do enterro do camarada Manolo Barros(dereita) e do acto da súa homenaxe na illa de S.Simón en 2006 que organizara o Colectivo Republicano de Redondela (embaixo). Daquela, Gonzalo Amoedo dirixíndose aos presentes.


Texto de despedida do P.C.P.G que foi lido pola camarada Marina Quintillán no cemiterio de Reboreda:

"Camarada Manolo:

É tremendamente difícil dicir “adeus” a quen, coma tí formou, FORMA parte da nosa loita cotiá.

Non queremos, non podemos, dedicarche palabras ampulosas ou rimbombantes.

Foches sinxelo coma o pan, transparente como a verdade, firme sen aspaventos, humilde e forte coma un carballo do país... (Para ler e ver máis fotos máis preme AQUÍ ou no titular desta nova)

26 DE XULLO. LEMBRAMOS O MONCADA E HOMENAXEAMOS A CUBA LIBRE E SOCIALISTA

NESTE DIA NACIONAL DA CUBA DIGNA,REVOLUCIONARIA E SOCIALISTA LEMBRAREMOS ESPECIALMENTE AQUEL ACTO HEROICO DO ASALTO AO CUARTEL MONCADA EN SANTIAGO DE CUBA PROTAGONIZADO POR FIDEL, RAUL E OUTROS MOITOS COMBATENTES DA XENERACIÓN MARTIANA DOS ANOS CINCUENTA.
ACUDE E PARTICIPA NOS ACTOS DE ANIVERSARIO

DO ASALTO AO CUARTEL MONCADA QUE TERÁN LUGAR NO CENTRO SOCIOCULTURAL

DO CASTIÑEIRIÑO/SANTIAGO DE COMPOSTELA, ESTE XOVES 26 DE XULLO ÁS 19.30 HORAS.

O ACTO ESTARÁ AMENIZADO POLA VIEJA TROVA CAMAGÜEYANA

ASOCIACIÓN DE AMIZADE GALEGO-CUBANA "FRANCISCO VILLAMIL" E CONSULADO DA REPÚBLICA DE CUBA. [Preme no titular para ler máis no interior]

ÉXITO DA CONVOCATORIA UNITARIA DO DÍA DA PATRIA

Arredor de 3000 persoas mobilizáronse con Causa Galiza neste 25 de Xullo polas rúas de Compostela.

O acerto deste apelo que a práctica totalidade das forzas da esquerda anticapitalista e autodeterminista fixemos a prol desta convocatoria unitaria vese confirmado co éxito desta mobilización.

O PCPG, que participa desde o primeiro momento nesta dinámica de unidade das forzas soberanistas galegas, primeiro desde as Bases Democráticas Galegas e agora en Causa Galiza seguirá esforzándose por consolidar e avanzar nesta loita compartida con tantas persoas e colectivos cos que coincidimos en tantas cousas, especialmente nesta batalla por recuperar e difundir a idea da AUTODETERMINACIÓN entre o conxunto do povo traballador galego, fronte ás mornas políticas dos que tentan desde a irresponsábel e sedicente renuncia, ir polos vieiros do autonomismo, é dicir: pola via utópica, inútil e máis que trillada que nos ofrecen desde o grande capital e o sistema que nos oprime como povo e ignora e despreza como nación.

Estatuto non, AUTODETERMINACIÓN!

Dia da Patria: OS COMUNISTAS DO PCPG APOIAMOS A MANIFESTACIÓN UNITARIA DE CAUSA GALIZA

(Resúmen do Manifesto do PCPG do 25 de Xullo de 2007)

TOD@S Á MANIFESTACIÓN UNITARIA QUE SAIRÁ DA ALAMEDA DE COMPOSTELA ESTE 25 DE XULLO ÁS 13 HS.

[Para ler máis preme no titular desta nova]

POLO LAICISMO E A DIGNIDADE CÍVICA: NON Á OFRENDA INSTITUCIONAL AO APÓSTOLO!

UNHA BOA INICIATIVA!

Pídese que os representantes institucionais respecten o principio de "aconfesionalidade"

Esculca solicita por escrito de Touriño e Dolores Villarino que non asistan á ofrenda ao Apóstolo

O Observatorio para a Defensa dos Dereitos e as Liberdades, Esculca, vén de enviar dúas cartas dirixidas ao presidente da Xunta de Galiza, Emilio Pérez Touriño e á presidenta do Parlamento, Dolores Villarino, nas que esixe que se respecte o “ princípio de neutralidade dos poderes públicos en matéria relixiosa” e solicita que non asistan á ofrenda ao Apóstolo, o 25 de Xullo, Día da Patria Galega.
+Ver carta a Touriño
+Ver carta a D. Villarino

APRESENTOUSE A PLATAFORMA UNITARIA E ATODETERMINISTA "CAUSA GALIZA"

Na Praza de San Martiño Pinario de Compostela apresentouse hoxe a Plataforma Unitaria CAUSA GALIZA que nace coa intención de traballar a prol do “recoñecemento do dereito do pobo galego a escoller o seu propio marco xurídico político”

CAUSA GALIZA e una entidade socio-politica na que confluimos persoas, colectivos, entidades sociais, organización e forzas políticas galegas que, ainda con perfís e con ritmos moi diferenciados, temos en común as mesmas arelas de conseguir un obxectivo común e concreto:

O recoñecemento do dereito democrático do noso País á Autodeterminación” [ler máis preme no titular desta nova]

[PARA LER O MANIFESTO DE C.G PREME AQUÍ]

CHAMAMENTO DA F.P.L.P E DA INICIATIVA NACIONALISTA PALESTINA POLA SALVACIÓN NACIONAL

Fronte Popular para a Liberación de Palestina (F.P.L.P)

Iniciativa Nacionalista Palestina

(Recibido da Oficina de Información F.P.L.P)

"Malia o que está acontecendo co noso povo, mergullado nunha cruenta crise interna, permanece a contradición principal cos ocupantes e as discrepancias resólvense dentro do marco da unidade; elas son a base do necesario procedemento democrático para resolver as contradicións secundarias dentro da Unidade Nacional Palestina, mentres a unión da terra e o pobo, na patria e a diáspora, son liñas vermellas intocabeis, e o interese supremo do povo e a nación está por riba de toda consideración, ou de calquera dos intereses sectarios. [Para ler máis, premer no titular desta nova]

O P.C.P.G REXEITA OS FUNDAMENTOS DA DECLARACIÓN DA “COORDINADORA DE LA MEMORIA DE MADRID"

Recentemente tivemos coñecemento dunha “Declaración” que fíxo pública a Coordinadora de la Memoria de Madrid.

Esta declaración inclúe aspectos cos que estamos en total desacordo.

Entre outros, non concordamos coa filosofía de que a Lei da Memoria “Histórica”

deba considerar que “a Democracia española recuperada e os valores que gozamos” (!)na actualidade son a continuidade institucional da II República e que o período franquista foi unha etapa “de excepción” histórica.” [Para ler máis, premer no titular desta nova]

ENXUIZAMENTO A UN CIDADÁN POR DEFENDER OS SEUS DEREITOS LINGÜISTICOS

O próximo 18 de xullo, ás 11:45 horas, terá lugar no Xulgado de Instrución nº 4 de A Coruña a vista do xuízo contra Eduardo Álvarez, socio da Mesa pola Normalización Lingüistica, profesor e membro do movemento de renovación pedagóxica AS-PG, logo de este ter sido denunciado por Antonio Fraga Mandián, xuíz-decano de A Coruña, por “inxurias”.

Os feitos remóntanse a hai xa varios meses, cando Eduardo Álvarez dirixira un escrito ao xuíz-decano de A Coruña tras ver como, logo dun procedemento por un asunto particular, o xulgado correspondente se negaba a lle notificar en galego, malia esta ter sido a lingua que o interesado empregara en todo o proceso e malia este ser un dereito recollido no artigo 7.2 da Lei 3/1983 de Normalización Lingüística.

[Para ler máis premer no titular desta nova]