WASHINGTON, 4 de setembro. O Comité Internacional pola Liberdade dos Cinco, con sede en USA, convocou a unha xornada global de solidariedade cos 5 heroes antiterroristas cubanos encarcerados xa fai case unha década nos cárceres dos EE.UU.
Gerardo Hernández, Antonio Guerrero, Ramón Labañino, Fernando González e René González foron arrestados en setembro de 1998 en territorio norteamericano cando protexían ao seu país de grupos terroristas de orixe cubano asentados en Miami, Florida.
O próximo 12 de setembro a loita pola liberdade dos Cinco entra no seu décimo ano —indica o comunicado do grupo non gobernamental—, e non debemos permitir que o apoio internacional para os patriotas cubanos decaia, subliña.
Chamamos a todos os Comités e amigos de Cuba, aos homes e mulleres honestos do mundo, a realizar unha grande Xornada Internacional de Solidariedade cos Cinco, do 12 de setembro ao 8 de outubro, apunta o comunicado.
A declaración lembra que Gerardo, Ramón, Fernando, René e Antonio continúan en prisións de máxima seguridade e privados do dereito de ser contactados regularmente polos seus familiares.
O pasado 20 de agosto celebrouse en Atlanta unha vista oral de Apelación. A presenza nesta vista de afamados xuristas e persoeiros de todas as partes do mundo demostra o apoio internacional aos Cinco heroes cubanos inxustamente presos.
![BOLETÍN PCPG [25-07-2009]](http://3.bp.blogspot.com/_5rDs-v5mfqA/Sndkgdpsw-I/AAAAAAAAEGw/7zMhpODfAP8/S1600-R/portadaPCPG240.png)
