CELEBRADA A 3ª CONFERENCIA DA C.U.T

O pasado 1 de marzo, celebrouse a III Conferencia Nacional da CUT. O acto que contou coa participación de máis dun cento de asistentes que representaban aos aproximadamente 2000 afiliados de todas as comarcas onde funciona a central sindical, tivo lugar en Teo, Comarca de Compostela.

O desevolvemento deste importante acto sindical, así como as distintas intervencións habidas, poñen luz sobre o futuro da intervención da CUT, tanto na orde interna como externa. Da mesma maneira ven a identificar, de xeito autocrítico, algúns factores e prácticas existentes na central sindical que, segundo se debateu, poderían supoñer un real impedimento para o fortalecemento e o medre do sindicato.

Asimesmo, foron fixadas as pautas de actuación en distintos ámbitos para o ano 2008. Temas como: comunicación e propaganda, afiliación, relacións internacionais ou formación serán abordados de cheo polo corpo afiliativo da CUT ao longo do ano 2008. Adiante compañeir@s!