CELEBROUSE EN CANGAS UNHA HOMENAXE Á LOITA ANTIFRANQUISTA E A CARMIÑA GRAÑA

O pasado Sábado 3 de maio tivo lugar no Salón de Plenos do Concello de Cangas un acto sobre a represión en Galiza e tamén específicamente na comarca do Morrazo na fase final do franquismo. Participaron vari@s históricos militantes de esquerda daquela bisbarra que foron obxecto de represión policial, xudicial e penitenciaria polo seu compromiso político nesta fase histórica. O acto rematou cunha homenaxe á tamén histórica militante comunista, republicana e independentista galega Carmeliña Graña, represaliada e perseguida naqueles anos.
Participaron: Bernardo Máiz Vázquez, historiador; Xosé Manuel Garcia Crego, dirixente antifranquista represaliado naquela altura e o viciño de Cangas Martin García Cordeiro, que foi represaliado e encausado polo TOP no ano 1968. Fixo a presentación e moderación do acto en nome dos organizadores o camarada do CN do PCPG Xosé Collazo Castro.

A organización deste acto foi por conta dos colectivos Cangas pola Memoria Común / Colectivo pola Memoria Republicana do Morrazo e Sociedade Galega pola República e enmarcouse nas actividades realizadas durante todo o mes de Abril naquela Vila.
Xosé Luis Méndez Ferrin, asistente a este acto, que tamén foi represaliado e perseguido naquela época publicou un artigo no Faro de Vigo encol da homenaxeada, a camarada Carmiña Graña que reproducimos a continuación... [Ler máis]