As touradas están baseadas na tortura, a dor e o ensañamento co touro.
Transmiten valores negativos, como o uso inxustificado da violencia, o
desprezo cara os dereitos dos animais, o goce coa tortura e o maltrato
animal.
As tradicións deben funcionar como soporte do que nos define
e constrúe, mais tamén do que esperamos no futuro. Aquelas que están
sustentadas na violencia e no aniquilamento non fan máis que perpetuar
comportamentos que deben ser rexeitados da sociedade.
Ademais, para os galegos e as galegas, as touradas non teñen nada que
ver coa nosa historia nen coa nosa cultura, chea de tradicións populares
que esmorecen e que si son dignas de recuperación.
Segundo diversas
enquisas, o 90% consideramos que a tortura dos animais como diversión
debe ser suprimida, e a inmensa maioría da poboación nunca asistimos nen
asistiremos a unha corrida de touros.
As tempadas taurinas, as
escolas e as ganderías son financiadas con diñeiro público que tamén
pagamos as galegas e os galegos que somos os que menos interese temos en
todo o estado. Por todo isto demandamos:
1. Ao goberno do
estado que faga os cambios lexislativos necesarios para a abolición das
touradas e a paralización da súa promoción e subvención con diñeiro
público que en plena crise ascende a 600 millóns de euros.
2. A Deputación de Pontevedra que as deixe de subvencionar directa
ou de forma encueberta (60.000 euros recoñecidos)
3. Que o Parlamento de Galiza modifique a “Lei 1/1993 de Protección de
Animais Domésticos ou Salvaxes en Cautividade” que exclúe no seu artigo
5º as touradas, para que prohíba estas actividades.
4. Ao
Concello, o cese do uso de espazos públicos para a promoción das
touradas, así como a declaración de Pontevedra como “Cidade Antitouradas
e amiga dos Animais”.
5. A reconversión da Praza de Touros nun Coliseu para espectáculos culturais e concertos
A abolición das touradas non é unha utopía como demostran os exemplos de Catalunya e Canarias
Convoca: Touradas fóra de Pontevedra
Apoian: ACOPO (Asociación Coordinadora de protectoras de Pontevedra), A
C Revira, Adega, Adiante,Asociación felina Nueve vidas, Amigos e amigas
da cultura, Asociación Amigos e Amigas da Canceira de Poio, Asociación
de Adopción de Cans Os Palleiros, Associaçom Culltural Almuinha de
Marim, APDR, CNT, ASPA Galicia Animal, Colectivo Ecoloxista do Salnés,
CIG,Compromiso por Galicia, Causa Galiza ,Difusión Felina,
Equanimal,Equo, EU-Os Verdes,Fronte Popular Galega, Galicia Mellor Sen
Touradas,Galiza Nova, Isca, Irmandade Druídica Galaica,Liga estudiantil
galega, Movemento Galego ao socialismo, Nos U.P., Os Chichisos, PACMA,
PCPG (Partido Comunista do Povo Galego), Peña de fútbol Furia
Granate,Protectora Adopciones Galicia,Protectora A Madroa, Protectora Os
Biosbardos, Protectora O Morrazo, Proyecto Gato, 15 M Pontevedra,
Refugio de Cambados, Vaipolorío, Verdegaia.