Como estamos a ver de xeito reiterado polo sen número de
detencións que aplican sobre activistas sociais, sindicalistas,
independentistas ou comunistas do povo galego, os aparelhos do Estado e os medios de comunicación
fixeron e fan de intoxicación sen miramentos,
vulnerando direitos e presunción de inocencia e sinalando, neste caso a Miguel
e Telmo, como supostos responsábeis de accións “violentas” acontecidas na
bisbarra de Vigo. Sempre a intención indisimulada de criminalizar como sexa e
meter medo para evitar o contaxio de accións obreiras combativas e de clase semelhantes.
Xa dixemos cando foron detidos, “eles xa condenaron a
Telmo e Miguel e dalles igual que sexan inocentes ou culpábeis, por que hai que dar un
escarmento”... E así foi como sofreron desde entón unha parte terrible da súa
condena, aínda non dictada por un
tribunal de xustiza, e o rigor das cadeas onde foron dispersados a centos de
kilómetros das súas casas e da Nosa Terra. Un rigor que non aplican contra os
patróns que despiden obreiros e obreiras, nin contra oligarcas que comandan o
expolio da Nosa Terra, nin contra políticos xestores da miseria que producen;
sempre corruptos ao seu servizo
Como os nosos companheiros Miguel e Telmo dín nunha carta dirixida ao povo: “os
próximos dias 5 e 6 de febreiro, vamos ter que confrontar, por fin, no Xulgado
do Penal 1 de Vigo, un xulgamento político, onde toda arbitrariedade exercida
polo rexime -policial, xurídica, penitenciária e mediática- padecida o longo
deste proceso represivo de case dous anos, materializaráse de forma
descaradamente inxusta e contundente contra nós, con peticións de cadea que suman
15 anos de prisión”.
É por iso que, como dixemos no seu momento cando foron
detidos, ofrecemos e chamamos á solidariedade incondicional con eles, sexa cal
sexa o veredicto dese tribunal e, especialmente o noso apoio e solidariedade se
fosen condenados, por suposto, con máis razón aínda.
CHAMAMOS a secundar as MOBILIZACIÓNS de apoio convocadas e
a ASISTIR os próximos días 5 e 6 ás 9:30 hs da manhá, expresando diante do Xulgado do Penal número 1
de Vigo- rúa Lalín, número 4, a nosa solidariedade con eles.
A loita para resistir a ofensiva do capital e conquistar
direitos como persoas, como povo e como clase é, como foi sempre, o único camiño.
TODOS E TODAS SOMOS TELMO E MIGUEL!
Adiante a nosa solidariedade con eles!
Non pode ser, obreiros nas cadeas e corruptos no poder!!
Comité Nacional do PCPG
3 de Febreiro de 2013.